أنسى ياقلبي

أنسى يا قلبى كـــــــل اللى كـــــــان ..

أنسى اللى ظلمك وأنسى اللى خان ..



معذور يا قلبى لك حق تبكى وتعيش حزين .

مكتوب عليك تعيش بجرحك طول السنين .



مجروح ياقلبى وبيحسدوك على جرحك .

مستكترين ضحك وفرحك وحتى راحتك .



ولا حاسين أنك ياقلبى عايش حزين .

وكل دقة فى قلبك نبض بأنيــــــــن .



أنا وأنت يا قلبــــــــى الضحية .

وحكم القدر عليك وعليـــــــا .



ليه بيقولوا العيب كان فينا .

ويقسوا علينا ويعاتبونــــا .



ولما بنتعب يشمتوا فينا .

حتى الدنيا ظلام حوالينا .



ومهما بكينا وشكينـــــــا .

ومسحنا دموعنا بأيدينا .



الحزن هيفضل عايش فيـــنا .

محفور فى قلوبنا وتوأم لينا .



ارحمنى يا قلبى ليه بس تبكى دمعك ده غالى .

لا عذاب ها يغنى ولا حزن يطوى وياه زمانى .



ده الحب الصادق مالهوش نهاية .

والقلب الخاين بدايته نهايــــــــة .



أنسى اللى فات وأنسى السنين .


ده العمر مرة مش مرتيـــــــــن .